Павазсь - ваймонь сетьмошись,
Шабань кеме шумбрашись,
Мирдень-авань марстонь канкссь
Тядянь лямбе сельмованфсь..

❓А кодама мяльхть сашендыхть тейнть, мзярда уленттяда тяфтама вастса? / Какие мысли приходят, когда посещайте святые места?

Пайкне шавихть, эсонк тердихть...
Шкабавазти сюконямс…
Прясон мяльхне пяльдезь пяльдихть
Шкаень вал мон кулхцондан.
Сюконян кельгома ширти,
Эсененди сюконян,
Ару ляйняти и пиже вирти....
Мон тя масторонь стирян!
(М. Левина)

Шумбратада кельгома ялгат! Тинь содасасьть коса ваймонь сетьмошись, ваймонь пчкафтомась? Арьсян лацоцне кирдьсазь мялезень: ваймоти цебярь тоса , коса аш васькафнемат, аш шавос корхнемат. Тоса , коса арьсематне лийфттядязь ичкози-ичкозе , менель потмаксти…. И аф стак! Ведь ся васттне малат Шкайти!!! И тяда цебярь мезевок аш! Юкставихть эрь шинь юз-яз тефне, кати-кодама аф эрявикс пичефксне, мяльхнень-арьсематнень. Ся васттнень эса бта каясайть лангстот аф эрявикс щапнень и арай теждя молемс, теждя ваймонь тарксемс, теждя арьсемс! И шарьхкодьсайть эряфонь инь питни смуснень…. И ерат кирдемс тя потмоежеть сюда кувацкас…
А кда нинге пчкафтсак аф аньцек ваймоцень, а аруяфтсак инь ару ведняса ронгцень-пондцень, эста ефсикс эсь пряцень марясак инь павазу ломанькс!!!
И бта пингсь тя васттнень эса лоткай, и марят аньцек седиень шавама, кенярдема, и аф азомшка кельгома…. И сембе масторть анокат ктмордамс!!! И пяк теждя максомс каршек вал- А павазсь мезе? - кизефксть лангс….